Muzland.es en Facebook

Canciones Napolitanas

Dicitencello vuje

Cambio de tono

 
 

Letra

 
 
 
 

© Compilador: Anton Gavzov (https://Muzland.es)

Testo di Enzo Fusco / Musica di Rodolfo Falvo


Dicitencello a 'sta cumpagna vosta
Ch'aggio perduto 'o suonno e 'a fantasia...
Ch''a penzo sempe,
Ch'è tutt''a vita mia...
I' nce 'o vvulesse dicere,
Ma nun ce 'o ssaccio dí...

     'A voglio bene...
     'A voglio bene assaje!
     Dicitencello vuje
     Ca nun mm''a scordo maje.

     E' na passione,
     Cchiù forte 'e na catena,
     Ca mme turmenta ll'anema...
     E nun mme fa campá!..

Dicitencello ch'è na rosa 'e maggio,
Ch'è assaje cchiù bella 'e na jurnata 'e sole...
Da 'a vocca soja,
Cchiù fresca d''e vviole,
I giá vulesse sèntere
Ch'è 'nnammurata 'e me!

     'A voglio bene...
     'A voglio bene assaje!
     Dicitencello vuje
     Ca nun mm''a scordo maje.

     E' na passione,
     Cchiù forte 'e na catena,
     Ca mme turmenta ll'anema...
     E nun mme fa campá!..

Na lácrema lucente v'è caduta...
Dicíteme nu poco: a che penzate?! 
Cu st'uocchie doce,
Vuje sola mme guardate...
Levámmoce 'sta maschera,
Dicimmo 'a veritá... 

     Te voglio bene...
     Te voglio bene assaje...
     Si' tu chesta catena
     Ca nun se spezza maje! 

     Suonno gentile,
     Suspiro mio carnale...
     Te cerco comm'a ll'aria:
     Te voglio pe' campá!..
 
 
 
 
Las veinte mejores Las veinte mejores Imprimir
 

 

 


 

 

 

 

Estadística Publicado el 20.03.10
Visto 45304 veces
Transpuesto 24955 veces


  1. Acordes
  2. C
  3. Canciones Napolitanas
  4. Dicitencello vuje (Letra)